Кәсіптік стандарт

Жоғары және (немесе) жоғары оқу орнынан кейінгі білім беру ұйымдарының педагогтері (профессор-оқытушылар құрамына)

Стандартты әзірлеу мақсаты: ЖЖОКБҰ оқытушыларына қажетті білім, біліктілік және дағдыларды, сондай-ақ құзыреттерді сипаттау, жоғары оқу орнынан кейінгі білім берудің білім беру бағдарламаларын, біліктілікті арттыру және қайта даярлау курстарын қалыптастыру үшін бағдарларды құру. Стандарт ұлттық біліктілік жүйесінің төрт негізгі элементінің бірі болып табылады. Білім беру саласындағы Ұлттық біліктілік шеңбері (ҰБШ) және Салалық біліктілік шеңбері (СБШ) деңгейлерін ескереді. Стандарт негіздемелік құжат болып табылады, ЖЖОКБҰ академиялық және басқарушылық еркіндік дербестігі қағидатын ескереді, кадрларды даярлаудың барлық бағыттары бойынша ғылыми-педагогикалық магистратура және докторантура білім беру бағдарламаларын әзірлеу, сәйкестік деңгейлері бойынша оқытушыларды сертификаттау кезінде бағалау материалын әзірлеу және олардың біліктілік өлшемдерін әзірлеу үшін негіз болады. Стандарт оқытушылардың біліктілігін арттыруды және олардың мансаптық өсуін жоспарлауға қызмет етеді. Әрбір келесі деңгей барлық алдыңғы деңгейлердің көрсеткіштерінің жиынтығын арттырады. Дескрипторлардың жинақтаушы және дәйекті сипаты оқу нәтижелерінің деңгейден деңгейге сабақтастығын қамтамасыз етеді. Стандарт формальды және формальды емес және информальды оқыту нәтижелерін тануға негіз береді, академиялық және кәсіби орта ретінде біліктілікті бағалауға және тануға қол жеткізуге жағдай жасайды. Стандарт Паспорттан және кәсіптер карточкаларынан тұрады, онда оқытушылардың біліктілігі білім беру саласындағы СБШ-ның 2-деңгейіне және ҰБШ-ның (7-8 деңгейлер) үш жалпыланған көрсеткішіне: "білім", "біліктер мен дағдылар", "жеке құзыреттер" сәйкес сипатталады. Бұл ретте осы Стандарттың жетінші деңгейі екі кіші деңгеймен (7.1 және 7.2), сегізінші деңгей төрт кіші деңгеймен (8.1, 8.2, 8.3 және 8.4) ұсынылған. Деңгей дескрипторлары оқытушылардың дербестік, жауапкершілік және атқаратын еңбек функцияларының күрделілік дәрежесін ескереді. Кәсіби құндылықтар: 1) кәсібилік; 2) инновациялық; 3) креативтілік; 4) меритократиялық; 5) парасаттылық.