Еуропалық білім беру қоры мен DARYA жобасының қатысушыларының қатысуымен дөңгелек үстелі

Бүгін, 3 желтоқсанда, Еңбек ресурстарын дамыту орталығының базасында Еуропалық білім беру қорының (ЕБҚ) директоры Пилви Торсти ханымның және Еуропалық Одақтың «Орталық Азиядағы білікті жастарға арналған диалог және іс-қимыл» (DARYA) жобасының негізгі қатысушыларының қатысуымен дөңгелек үстел өтті.

Іс-шараға ЕБҚ өкілдерімен қатар жоба фасилитаторлары, «Еңбек ресурстарын дамыту орталығы» АҚ басшылығы, «Атамекен» ҰКП, «Талап» КЕАҚ, «Өрлеу» Біліктілікті арттырудың ұлттық орталығы» АҚ және басқа да ұйымдардың өкілдері қатысты.

Кездесу барысында жобаны осы кезеңде сәтті іске асыруға қатысты ағымдағы нәтижелер мен негізгі қажеттіліктер талқыланды. ЕБҚ директоры Пилви Торсти әр қатысушының қосқан үлесін және олардың бастамаларын жоғары бағалап, топтың бірлігі мен үйлесімділігін атап өтті. «Еңбек ресурстарын дамыту орталығы» АҚ президенті Дәулет Арғындықов ұзақ мерзімді ынтымақтастыққа және жоба аясындағы алдағы іс-шараларға белсенді қатысуға дайын екенін білдірді.

Келесі кездесу 2025 жылдың ақпан айына жоспарланып отыр, онда аралық нәтижелер қорытындыланатын болады.