Кәсіптік стандарт

Жедел-диспетчерлік басқару

Осы КС «Жедел диспетчерлік басқару» кәсіптік тобының сипаттамалары, сондай-ақ жұмыс сипаттамасы мен еңбек функциялары келтірілген. Мұнай өңдеу зауыттарындағы жедел-диспетчерлік басқару жүйесі кәсіпорынның жоспарланған мәндерден төмен түспейтін мұнай өнімдерін өндіру жөніндегі жедел тапсырмаларды орындауын қамтамасыз етуге арналған. Бұған мынадай функцияларды орындау арқылы қол жеткізуге болады: зауыттың технологиялық қондырғыларының, араластыру процестері мен басқа бөлімшелерінің келісілген жұмыс істеуін қамтамасыз ету; қондырғыларды шикізатпен, жартылай фабрикаттармен, материалдармен қамтамасыз ету; шикізаттың, қосалқы материалдардың, отынның және т. б. азайтылмайтын қорларының бар болуын бақылау және қамтамасыз ету; МӨЗ негізгі өндірісінің барысы туралы жедел ақпаратты жинауды және өңдеуді автоматтандыру; ақпаратты сақтау және кәсіпорынның жедел персоналына ұсыну; технологиялық қондырғылар мен жабдықтардың тоқтап қалу уақытын жедел есепке алу; технологиялық қондырғылардың және басқа процестердің күнтізбелік жұмыс кестесінің орындалмауына әкелетін жағдайларды сипаттайтын параметрлердің жай-күйінің өзгерістері туралы ақпаратты тіркеу; жедел уақыт ішінде (тәулік, ауысым және т. б.) өнімнің өндірілуін, жөнелтілуін және қалдықтарын жедел есепке алу; мұнай және мұнай өнімдерінің қозғалысын есепке алу; мұнай өнімдерінің сапасын бақылау; өндірістік тапсырманың орындалуын талдау; негізгі өндірісті жедел басқару және реттеу; апаттық жағдайлардың алдын алу және оларды жою; өндірістік жағдайларды талдау, «осал жерлерді» анықтау және оларды жоюға бағытталған шешімдер қабылдау; «осал жерлерді» және апаттық жағдайларды жою бойынша алдын ала шешім қабылдау мақсатында өндірістік жағдайлардың дамуын болжау. «Білімдер» бөлімінде қамтылған теориялық және практикалық білімге қойылатын талаптармен қатар мыналарды білу қажет: еңбекті қорғау, өндірістік санитария және өртке қарсы қауіпсіздік жөніндегі қағидалар мен нормалар, жеке қорғану құралдарын пайдалану қағидалары, орындалатын жұмыстардың (көрсетілетін қызметтердің) сапасына, жұмыс орнындағы еңбекті ұтымды ұйымдастыруға қойылатын талаптар, ақаулардың түрлері және олардың алдын алу және жою тәсілдері, өндірістік дабыл.