Кәсіптер

Телекоммуникациялар және телерадиотарату жөніндегі инженерлер телекоммуникациялық жүйелер мен жабдықтардың құрылысы, жұмыс істеуі, техникалық қызмет көрсету мен жөндеу жөніндегі зерттеу жұмысын жүргізеді, консультация береді, жобалайды және жетекшілік етеді. Олар телекоммуникациялық материалдармен, бұйымдармен және үдерістермен байланысты технологиялық аспектілерді зерттейді және олар бойынша консультация береді. Олардың міндеттеріне мыналар кіреді: − телекоммуникациялық құрылғылар немесе компоненттер, жүйелер, жабдықтар және бөлу орталықтары бойынша зерттеулер жүргізу, консультация беру және жобалау; − телекоммуникациялық жүйелер мен жабдықтарды өндіру және орнату әдістерін айқындау, телекоммуникациялық жүйелер мен жабдықтарды өндіру мен орнату бойынша жұмысқа басшылық ету; − бар телекоммуникациялық жүйелер мен жабдықтарға техникалық қызмет көрсетуді мен жөндеуді ұйымдастыру және оған басшылық ету; − телекоммуникациялық жабдықтарға байланысты мәселелер бойынша зерттеулер жүргізу және консультация беру; − байланыстың сымды, оптикалық-талшықты және сымсыз каналдары негізінде коммуникациялық жүйелерді жоспарлау және жобалау; − сигналдарды өңдеу алгоритмін жобалау мен жасау және аппараттық және бағдарламалық құралдарды тиісінше таңдау арқылы іске асыру; − телекоммуникациялық жүйелерді және кабелді және сымсыз телевизия бағдарламаларын қоса алғанда, радио және телевизия бағдарламаларын тарату жүйелерін жобалау. Аталған бастауыш топқа жатқызылған кәсіптердің үлгілері: Хабар тарату жөніндегі инженер Телекоммуникациялық жабдықтарды монтаждау жөніндегі инженер Телекоммуникациялар жөніндегі инженер-жасаушы Басқа бастауыш топтарға жатқызылған кейбір тектес кәсіптер: Инженер-электрик – 2151 Инженер-электроншы – 2152

Антенна-діңгек құрылыстарын монтаждау бойынша жұмыстарды орындау Жабдықтар мен бағдарламалық қамтылымның жұмысын бақылауды қоса алғанда, телерадио хабарларын тарату жүйесін тиімді басқару жөніндегі шараларды қабылдау және енгізу Техникалық қызмет көрсету мен оңтайландыруды қоса алғанда, ұялы байланыс желілерінің Packet Core элементтерін орналастыруға қызмет көрсету, баптау және жобалау бойынша жұмыстарды орындау Радиожүйелерді жобалау мен техникалық қызмет көрсетуді қоса алғанда, радиобайланыс желілері мен жүйелерін құру және оларға қызмет көрсету жөніндегі жұмыстарды орындау Коммутацияны басқару және негізгі жабдық істен шыққан жағдайда үздіксіз жұмысты қамтамасыз ету үшін жүйелерді баптауды қоса алғанда, резервтік жабдыққа ауысу жөніндегі жұмыстарды орындау

Көбірек көрсету

• 2153-2-021 - Телебайланыс бойынша инженер
• 2153-1-008 - Теле радио хабарларын тарату жөніндегі инженерлер
• 2153-2-004 - Радио байланысы инженері
• 2153-2-005 - Телекоммуникация саласындағы техникалық қолдау инженері
• 2153-2-006 - Электр байланысы инженері

Көбірек көрсету