Кәсіптер

Мамандандырылған көлік бөлімшелерінің басшылары (басқарушылары) жолаушылар тасымалын, жүктердің теміржол, әуе, автомобиль, электрлік көлікпен тасымалдануын не бөлімше басшысы ретінде не басқарудың иерархиялық құрылым жоқ кәсіпорынның немесе ұйымның басқарушысы ретінде жоспарлайды, басқарады және үйлестіреді. Олардың міндеттеріне мыналар кіреді: − халықтың және экономиканың қажеттіліктерін ескере отырып, көліктік қызметтерді жүзеге асыру жоспарларын айқындау, жүзеге асыру және іске асырылуына мониторинг жүргізу; − көлік кәсіпорнының тасымалдау жоспарларының белгіленген көлемдерге және мерзімдерге сәйкес орындалуын қамтамасыз етуге бағытталған өндірістік-шаруашылық қызметін ұйымдастыру; − жылжымалы құрам, жол шаруашылығы және жер үстіндегі қызметтер паркін жаңарту және жаңғырту бойынша жұмыстар жүргізу; − тұтынушылармен көлік қызметтерін көрсету және сапаға, мерзімдерге және құнына қойылатын талаптардың сақталуы туралы шарттар жасасу; − көлік құралдарының олардың белгіленген жүк көтерімділік және сыйымдылық нормаларына сәйкес ұтымды пайдаланылуына бақылауды жүзеге асыру; − келген және жөнелтілетін жүктер, жеткізу мерзімдері, тасымалдау талаптары және тасымалдау, тиеу-түсіру және коммерциялық операциялардың басқа да мәселелері туралы анықтамалық-ақпараттық жұмысты ұйымдастыру; − көліктің жүк операцияларынан тұрып қалуын қысқартуды, өткізу қабілетін ұлғайтуды және қоймалардың, кіреберіс алаңдары мен жолдарының ұтымды пайдаланылуын, тиеу-түсіру машиналарының, механизмдерінің және көлік құралдарының ұтымды пайдаланылуын қамтамасыз ететін іс-шараларды әзірлеу, жүзеге асыру және орындалуын бақылау; − тасымалдаулардың қауіпсіздігін және жүктердің сақталуын, көлік кәсіпорны және пайдаланылатын тас жолдар аймағында жолаушылар, қызметкерлер, тұрғындар және қоршаған орта үшін қатерлер мен қауіптерді азайтуды қамтамасыз ету; − персоналды іріктеуді, даярлауды және пайдалануды бақылау. Аталған бастауыш топқа жатқызылған кәсіптердің үлгілері: Бас инженер (көлікте) Жөндеу-механикалық шеберхана меңгерушісі Вокзал бастығы Авиациялық қауіпсіздік бөлімшесінің бастығы Айлақ бастығы Ескертпелер Ірі әуежайлардың, теміржол компанияларының, қалалық транзиттік жүйелер мен басқарудың иерархиялық құрылымына ие басқа да көлік компанияларының басшылары, 1210 Мекемелердің, ұйымдардың және кәсіпорындардың бірінші басшылары бастауыш тобына енгізіледі.

Автокөлік құралдарының (автобустардың) жарамдылығын қамтамасыз ету үшін олардың техникалық жай-күйін диагностикалау жөніндегі жұмыстардың орындалу мониторингі Техникалық қызмет көрсетуді жоспарлауды және бақылауды қоса алғанда, көлік құралдарына (автомобильдерге) техникалық қызмет көрсету бойынша жоспарлы жұмыстарды ұйымдастыру және жүргізу Нарықты зерделеу бойынша жұмыстарды орындау және трендтер мен қажеттіліктер туралы деректерді жинау мен талдауды қоса алғанда, көлік қызметтері саласындағы ағымдағы жағдайды бағалау Автомобиль тасымалдарына қатысатын персоналды даярлау жөніндегі жұмыстарды орындау Көлік құралдарын ұтымды пайдалану бойынша жұмыстарды орындау, персонал жұмысының тәртібі мен сапасын бақылау

Көбірек көрсету

• 1325-1-046 - Бөлім бастығының орынбасары (көлікте)
• 1325-1-047 - Қызмет бастығының орынбасары (көлікте)
• 1325-1-048 - Ауысым бастығының орынбасары (көлікте)
• 1325-1-049 - Учаске басшысының орынбасары (көлікте)
• 1325-1-006 - Бас инженер (көлікте)

Көбірек көрсету