Кәсіптік стандарт

Өндіріс технологиясы

Осы КС-да «Өндіріс технологиясы» кәсіби тобының сипаттамасы, сондай-ақ мұнай мен газды өңдеу бойынша жұмыстарды орындайтын өндірістік ұжымның жұмыс сипаттамасы мен еңбек функциялары келтірілген. Мұнай өңдеу процесін 3 негізгі кезеңге бөлуге болады: 1. Мұнай шикізатын қайнау температурасының аралығы бойынша айыратын фракцияларға бөлу (алғашқы қайта өңдеу); 2. Алынған фракцияларды олардың құрамындағы көмірсутектерді химиялық өзгерту жолымен қайта өңдеу және тауарлық мұнай өнімдерінің компоненттерін өндіру (екінші рет қайта өңдеу); 3. Компоненттерді, қажет болған жағдайда, әртүрлі телімдерді тартумен, тауарлық мұнай өнімдерін берілген сапа көрсеткіштерімен ала отырып (тауарлық өндіріс) араластыру. «Білімдер» бөлімінде қамтылған теориялық және практикалық білімдерге қойылатын талаптармен қатар мыналарды білу қажет: еңбекті қорғау, өндірістік санитария және өртке қарсы қауіпсіздік жөніндегі ережелер мен нормалар, жеке қорғану құралдарын пайдалану ережесі, орындалатын жұмыстардың (қызметтердің) сапасына, жұмыс орнында еңбекті ұтымды ұйымдастыруға қойылатын талаптар, ақау түрлері және оның алдын алу және жою тәсілдері, өндірістік сигнал беру.