Кәсіптік стандарт

Бұрғылау бригадасы (Мұнай және табиғи газ өндіруге септесетін қызметтер көрсету)

Бұл КТ-та «Бұрғылау бригадасы» кәсіби тобының сипаттамалары, сондай-ақ ұңғымаларды салу жөніндегі жұмыстарды орындайтын өндірістік ұжымның жұмыс сипаттамалары мен еңбек функциялары келтірілген. Бұрғылау бригадасы – ұңғыманы салу жөніндегі белгілі бір жұмыстарды орындау үшін біліктілігі, кәсібі және функциялары бойынша әртүрлі қызметкерлер мен жұмысшыларды біріктіретін бастапқы өндірістік ұжым. Орындалатын жұмыстардың номенклатурасы және еңбекті ұйымдастыру бұрғылау жұмыстарының мақсаттарына, ұңғыманың тереңдігі мен құрылысына байланысты. Бұрғылау бригадасының жұмысын ұйымдастыруға және оның құрамына ұңғыманы салу циклінің ұзақтығы мен құрылымы айтарлықтай әсер етеді. Бұрғылау бригадасы ұңғыманы салуды бастамас бұрын үш негізгі құжатты алады: геологиялық-техникалық наряд, бұрғылау жұмыстарын жүргізуге арналған наряд және нұсқаулық-технологиялық карта. Терең бұрғылауда бұрғылаудың үш ауысымда үздіксіз жұмысы ұйымдастырылады, олардың әрқайсысы 8 сағатқа созылады. Бұрғылау бригадасына төрт ауысым немесе тәулік бойы үздіксіз жұмыс істейтін вахталар кіреді. Вахтаның құрамы бұрғылау қондырғысының түріне қарай өзгеруі мүмкін.